Монгол Улс, Амeрикийн Нэгдсэн Улсын Харилцаа

Батлан хамгаалах салбарын хамтын ажиллагаа

Хоёр талын батлан хамгаалах салбарын харилцааны зорилго нь Монголын зэвсэгт хүчний мэргэжлийн ур чадварыг дээшлүүлэхэд америкийн тал дэмжлэг үзүүлэх, хэтдээ олон улсын энхийг сахиулах хүчинд оролцох чадвартай болгоход оршино. Монгол Улсын Засгийн газар, АНУ-ын Засгийн газрын хооронд 1996 онд цэрэг солилцоо, харилцан айлчлалын хэлэлцээр байгуулагдсан. Энэ чиглэлээр өндөр хэмжээнд харилцан айлчлал тогтмолжиж, төрөл бүрийн сэдвээр сургалт, семинар зохион байгуулах, хүмүүнлэгийн тусламж үзүүлэх, хамтарсан сургууль хийх зэргийн хамтын ажиллагаа явагдаж байна.

1991 онд Батлан хамгаалахын атташе харилцан томилж цэргийн харилцаа тогтоосноос хойш хоёр улсын батлан хамгаалах салбарын харилцаа, хамтын ажиллагаа улам бүр хөгжиж ирэв.

1992 оноос хойш АНУ-ын “Олон улсын цэргийн боловсрол” /IMET/ хөтөлбөрийн хүрээнд АНУ болон бүс нутгийн орнуудад зохион байгуулагдсан янз бүрийн олон улсын семинарт манай цөөнгүй тооны хүмүүс америкийн зардлаар хамрагдаад байна.

Монгол Улс Иракийн зэвсгийг хураах үйл ажиллагааг дэмжиж АНУ, Их Британи тэргүүтэй Иракийн зэвсгийг хураах Эвсэлд 2003 онд нэгдэн оров. Эдүгээ Монгол Улс Иракийн зэвсгийг хураах эвсэлд үзүүлж ирсэн улс төрийн дэмжлэгээ баталгаажуулж, Иракийн дайны дараах гамшгийг арилгах, сэргээн босгох, энхийг сахиулах үйлсэд цэргийн гуравдагч ээлжийн бие бүрэлдэхүүнээ илгээгээд байна.

НУ-ын Зэвсэгт хүчний Штабын дарга нарын нэгдсэн хорооны дарга генерал Р.Майерс 2004 оны 1 дүгээр сарын 13-нд Монголд ажлын айлчлал хийв.